२०८३, श्रावण १३ गते
.png){kind=small}
लुम्बिनी चिन्तन
भैरहवा । जिल्ला कारागार रूपन्देही भैरहवाबाट ६ जना कैदीको सजाय मिनाहा भएको छ ।
विभिन्न मुद्धाको सजाय काटिरहेका ६ जनालाई कैदीलाई बाँकी कैद मिनाहा हुनेगरि प्रजातन्त्र दिवसको अवसरमा जेलमुक्त गरिएको हो ।
जिल्ला कारागार रुपन्देहीका जेलर नारायण पन्थीका अनुसार १३ जना मापदण्डमा पुगेका कैदीहरुको सिफारिस पठाएकोमा कर्तव्य ज्यानका १ जना, लिखित सम्बन्धी कसुरको १ जना, सवारी ज्यान मुद्धाको २ जना र सवारी अंगभंगको २ जना कैदी गरी ६ जनाको कैद मिनाहा भएकोे छ ।
प्रशासन कार्यालय र कारागार शाखाको सिफारिसमा असल बानीव्यहोरा भएका, कारागारको मापदण्ड पूरा गरेका कैदीको छुट दिने मापदण्डका आधारमा छुट दिने गरिन्छ । राष्ट्रपति विद्यादेवी भण्डारीले संविधानको धारा २७६, फौजदारी कसुर ऐन २०७४ तथा फौजदारी कसुर नियमावली बमोजिम मन्त्रिपरिषदको सिफारिसमा उनीहरुलाई कैदबन्दी मिनाहा गरेकी हुन ।
सर्वोच्च अदालतको गत साउन १९ गतेको परमादेशसमेतको आधारमा फौजदारी कसूर (सजाय निर्धारण तथा कार्यान्वयन ऐन), २०७४ लागू हुनुपूर्व गरेको कसूरमा जन्मकैदको सजाय तोकिएकालाई कैद छुट दिइएको हो । अदालतबाट भएको फैसला बमोजिम लागेको अवधिको ५० प्रतिशत कैद सजाय भोगिसकेपछि असल चालचलन देखिएकालाई प्रजातन्त्र दिवसको अवसरमा बाँकी कैद सजाय माफी हुने गरेको छ ।
