२०८३, श्रावण १३ गते
.png){kind=small}
लुम्बिनी चिन्तन
भैरहवा । रुपन्देहीमा साेमबार ४२ जनामा काेराेना संक्रमण पुष्टी भएकाे छ । पछिल्लो २४ घण्टामा गरिएका २३५ जनाको पिसिअार परीक्षणबाट १९ महिला र २३ पुरूषमा संक्रमण पुष्टी भएकाे हाे । त्यस्तै पछिल्लो २४ घण्टामा जिल्लाबाट ४७ जना संक्रमणमुक्त भएका छन् ।
स्वास्थ्य कार्यालय रुपन्देहीका अनुसार पछिल्लो २४ घण्टामा सबै भन्दा बढी तिलोत्तमा नगरपालिकामा ११ महिला १० पुरूषा गरी २१ जना संक्रमित थपिएका छन । त्यस्तै बुटवल उपमहानगरपालिकामा १६ जना, देवदह नगरपालिकामा ३ जना, सिद्धार्थनगर नगरपालिका र सैनामैना नगरपालिकामा १-१ संक्रमित थपिएका छन् ।
पछिल्लो २४ घण्टामा जिल्लामा कोरोना संक्रमणबाट १ जनाको मृत्यु भएको छ । हालसम्म जिल्लामा ५०६ जनाको कोरोनाबाट मृत्यु भएको छ । जिल्लामा हाल कोरोनाका संक्रिय संक्रमितको संख्या ३१८ रहेको छन्। जसमध्ये ५८ जना अस्पतालमा उपचाररत छन भने २६० जना हाेम अाइशाेलेशनमा रहेका छन ।
