२०८३, श्रावण १३ गते
भैरहवा । रुपन्देहीको सिद्धार्थनगर–२ स्थित पंचवटिका । सिद्धार्थनगर नगरपालिकाको ५ औ नगरसभाबाट सिद्धार्थनगर २ मा अवस्थित पंचवाटिकालाई पृथ्वी पार्क नामाकरण गरेको थियो । २०७६ असाढ १० गते नाम परिवर्तन गर्ने निर्णय भए पनि २ वर्ष बित्दा समेत नाम परिवर्तन बाहेकको खासै परिवर्तन भएको छैन ।
डि.पि.आर.सहितको पृथ्वी पार्क निर्माणका लागि गठित समितिले नेपालका एकिकरण कर्ता पृथ्वीनारायण शाहको शालिक राख्ने निर्णय समेत गरेको भएपनि अझै सम्म न त पृथ्वीनारायण शाह नै छन न त व्यवस्थित पार्क ।
के के छन पार्कमा
१. वाटर फाउन्टेन सहितको संरचना बन्ने मुख्य द्वारमै पानीको फोहोराको साटो रुख फलाइसकेको छ ।
२. पार्क भित्र लाखौका काठ यत्र तत्र कुहिरहेका छन । झाडीले जंगलको स्वरुप लिदै छ ।
३. बनाइएका बनभोज स्थलका सेड भत्किएका छन भने भएका सेड जुवा, मध्यपान, धुम्रपान र लागु औषध सेवन गर्ने केन्द्र बनेको छ ।
४. धारा छ तर पानी आउदैन, कुर्सी बनाइएकोे छ तर त्यहाँ सम्म जान मिल्न बाटो छैन ।
५. सोलार लाइट र रोड लाइट भएपनि पोल मात्र सकुशल अवस्थामा छ ।
