२०८३, श्रावण १३ गते
.png){kind=small}
लुम्बिनी चिन्तन
भैरहवा । रुपन्देही प्रहरीले दुइ फरक ठाँउबाट लागु औषध सहित ४ जनालाई पक्राउ गरेको छ ।
जिल्ला प्रहरी कार्यालय रुपन्देही मातहत वडा प्रहरी कार्यालय बुटवल रुपन्देहीबाट खटिएको प्रहरी टोलीले सोमबार साझ ४ बजे तिलोत्तमा नगरपालिका वडान. ३ योगिकुटी शान्तिकुञ्जबाट पोखरा उप महानगरपालिका वडा न. २२ का २७ वर्षिय सागर पोख्रेल र ललितपुर गोदावारी नगरपालिका वडा न.१ प्रगतिनगरका २० वर्षिय मधुकर बिश्वकर्मालाई लागु औषध सहित पक्राउ गरेको हो ।
ग ७ प ६५१५ न.को मोटरसाईकल चेकजाच गर्नेक्रममा मोटरसाईकलमा सवार उनीहरुको साथमा रहेको झोलामा नोफिन ३७सि.सी., फेनारागन ३७ सि.सी. र डाइजेपाम ३७सि.सी. अवैध लागु औषध बरामद गरिएको जिल्ला प्रहरी कार्यालय रुपन्देहीका प्रवक्ता सत्य नारायण थापाले जानकारी दिए । उनीहरुलाई मोटरसाईकल सहित नियन्त्रणमा लिई अनुसन्धान भईरहेको छ ।
त्यस्तै ईलाका प्रहरी कार्यालय सुर्यपुरा रुपन्देहीबाट खटिएको प्रहरी टोलीले मंगलबार साँझ सवा ५ बजे रुपन्देहीको गैडहवा गा.पा. वडा नं.८ कन्चनपुलबाट लागु औषध सहित २ जनालाई नियन्त्रणमा लिएको छ । लु ३५ प ३३९४ न.को मोटरसाईकलमा सवार रुपन्देही गैडहवा गाउँपालिका वडा नं.९ का ३४ वर्षिय दुर्गा राना र कन्चन गाउँपालिका वडा नं.२ का १६ वर्षिय अशोक कुमार लोधलाई लागु औषध सहित नियन्त्रणमा लिएको हो ।
शंकास्पद देखिएका उनीहरुलाई रोकी चेकजाँच गर्दा अवैध लागु औषध नाईट्राभेट ८८ थान, डाईजापाम ४८ थान बरामद भएको जिल्ला प्रहरी कार्यालयले जानकारी दिएको छ । उनीहरुलाई मोटरसाईकल सहित नियन्त्रणमा लिई अनुसन्धान भईरहेको प्रहरीले जानकारी दिएको छ ।
