२०८३, श्रावण १३ गते
.png){kind=small}
लुम्बिनी चिन्तन
भैरहवा असार २१,
भारतमा लेडि डन भनेर चिनिएकी उत्तर प्रदेश गोरखपुर बस्ने ४३ बर्षिय गिता तिवारीलाई रुपन्देही प्रहरीले पक्राउ गरेको छ ।
रुपन्देहीको बिभिन्न स्थानमा भएका चोरीका चार वटा घटनामा सम्लग्न भएको आरोपमा रुपन्देही प्रहरीले नियन्त्रणमा लिएर अनुसन्धान सुरु गरेको जिल्ला प्रहरी कार्यालय रुपन्देहीका प्रहरी उपरिक्षक भरत बिकले जानकारी दिए ।
जिल्ला प्रहरी कार्यालय रुपन्देहीले बिहिवार पत्रकार सम्मेलनको आयोजना गरि उनको साथ बाट कटुवापेस्तोल जस्को देखीने थान एक , १३ राउण्ड गोली , २ थान खुकुरी , एक थान चक्कु , लु २८ प १३६२ नम्बरको मोटरसाईकल , युपी ५३ ईएम १०५० टिभिएस स्कुटी , मोवाईल पांच थान , सानो ग्यास सिलिण्डर एक थान , ग्यास कटर एक थान , नेपाली रुपैया ७ हजार ६ सय ६५ रुपैया , भारत्यि रुपैया ५ हजार ४ सय ४५ , र राजु थारु नामको बैकको चेक बुक समेत बरामद गरिएको जिल्ला प्रहरी कार्यालय रुपन्देहीका डिएसपि श्यामु अर्यालले जानकारी दिए ।
भरतमा लेडि डन भनेर बिभिन्न लुटपाटका घटनाहरुमा सम्लग्न रहेको र पटक पटक प्रहरी नियन्त्रणमा पनि रहेको रुपन्देही प्रहरीका प्रहरी उपरिक्षक भरत बिकले जानकारी दिए । पक्राउ परेका गिता तिवारी संगै अन्य चार जना पुरुषहरु पनि रहेको र उनिहरु फरार रहेको प्रहरीले जनाएको छ । रुपन्देहीको सिद्धार्थनगर नगरपालिका वडानं २ वाटिका स्थित दिपक यादवको एक तले घरमा भाडा लिई बसेर रुपन्देहीको बिभिन्न स्थानहरु चोरी कार्यमा सम्लग्न रहेको प्रहरीले जनाएको छ ।
उनिहरुले बैशाख ९ गते रुपन्देहीको सिद्धार्थनगर नगरपालिका वडानं ३ बस्ने हेमन्त कुमार हलुवाइृको घर बाट ५० लाख मुल्य वरावरको धनमाल चोरी गरेका थिए । त्यसैगरी बैशाख २३ गते सिद्धार्थनगर नगरपालिका वडानं ३ मा रहेको डाक्टर नगेन्द्र चोधरीको घरबाट सुनका गरगहना , ल्यापटप , नगद गरि तिन लाख बरावरको धनमाल लुटपाट गरेका थिए । त्यसैगरी जेठ ३ गते सिद्धार्थनगर नगरपालिका वडानं ८ अन्नपुर्ण टोलमा हुमनाथ पाण्डेयको घर बाट ल्यापटल ४ थान , मोवाईल एक थान , सुनको औठी एक थान र नगद ६० हजार चोरी गरेका थिए ।
त्यसैगरी असार ११ गते सिदार्थनगर नगरपालिका वडानं ९ मा रहेको श्याम सुन्दर अग्रवालको घर बाट सुनको वाला चार थान , सुनको सिक्री एक थान , सुनको ब्रासलेट एक थान , चांदीको भाडा , हिराको औठी एक थान , हिराको ब्रासलेट एक थान , आईफोन एक थान, नगद एक लाख १५ हजार लगायतका समानहरु चोरी गरेको घटनामा पक्राउ परेकी गिता तिवारीको प्रत्यक्ष संम्लग्नता देखीएको प्रहरी उपरिक्षक भरत बिकले जानकारी दिए ।
