२०८३, कार्तिक ११ गते
.png){kind=small}
लुम्बिनी चिन्तन
भैरहवा, साउन १६ । महोत्तरीको बेलगाछी पुलमा बाढीले क्षति पु¥याउँदा पूर्वपश्चिम राजमार्ग अवरुद्ध भएको छ । बर्दिबास भन्दा पश्चिम टुटेश्वर नजिक रहेको ढुंग्रेखोलामा आएको बाढीले बेलगाछी पुलमा पु¥याएको हो । सडक अवरुद्ध हुँदा यात्रुहरु मर्कामा परेका छन् । जिल्ला प्रहरी कार्यालय महोत्तरीका अनुसार बेलगाछी (ढुंग्रे खोला) पुलसँग जोडिएको दक्षिणतिरको सडकको ५–६ फिट भाग भत्किएको छ । सडकमा क्षति पुगेपछि रातिदेखि नै यातायात ठप्प छ ।राजमार्गमा क्षति पुगेपछि माईस्थान चोकबाट डाइभर्सन गरिएको छ । माइस्थान चोकबाट गौशाला रोड हुँदै हुलाकी सडकमा निस्किएर कान्तिबजार, लक्ष्मीनियाँ हुँदै पुनः पूर्वपश्चिम राजमार्गमा निस्किने गरी व्यवस्था मिलाइएको प्रहरीले जनाएको छ ।
