२०८३, श्रावण १३ गते
.png){kind=small}
लुम्बिनी चिन्तन
भैरहवा । रुपन्देहीमा तीन जना कोरोना संक्रमितको एकैदिन मृत्यु भएको छ । बुटवल उपमहानगरपालिकाका दुई जना पुरुष र मायादेवी गाउँपालिकाकी एक जना महिलाको मृत्यु भएको हाे ।
उनीहरुको लुम्बिनी प्रदेशिक अस्पतालको कोरोना विशेष अस्थायी अस्पतालमा बिहीबार बिहान मृत्यु भएको अस्पतालका सूचना अधिकारी विष्णु गौतमले जानकारी दिए ।
बुटवल–११ का ३१ वर्षीय पुरुषको बिहान २ः३० बजे, बुटवल–१४ का ६६ वर्षीय पुरुषको बिहान २ः४५ बजे र मायादेवीकी ७२ वर्षीया महिलाको बिहान ३ बजे मृत्यु भएको अस्पतालले जनाएको छ । योसँगै रुपन्देहीमा कोरोना संक्रमितको मृत्यु हुने संख्या १८४ पुगेको छ । हाल जिल्लामा २२ सय १२ जना सक्रिय संक्रमित छन् । बुटवल धागो कारखानामा सञ्चालित कोरोना विशेष अस्थायी अस्पतालको आइसियूमा हाल १२ जना संक्रमित उपचाररत रहेका डा. गौतमले जानकारी दिए ।
