२०८३, श्रावण १३ गते
.png){kind=small}
लुम्बिनी चिन्तन
भैरहवा । रुपन्देहीमा पछिल्लो २४ घण्टाको अवधिमा ३०६ जनाको कोरोना परीक्षण गर्दा ४४ जनामा संक्रमण पुष्टि भएको छ । संक्रतिको संख्यामा गिरावट आए पनि निको हुने संख्या पनि अन्य दिनको तुलनामाकमी छ । जिल्ला भरबाट पछिल्लो २४ घण्टामा १४३ जना मात्रै निको भएका छन् ।
स्वास्थ्य कार्यालय रुपन्देहीका अनुसार आज सबै भन्दा धेरै सैनामैना नगरपालिकामा १३ जनामा संक्रमण पुष्टि भएको छ । यस्तै तिलोत्तमा नगरपालिकामा ११ जना, बुटवल उपवमहानगरपालिका र देवदह नगरपालिकामा ७–७ जना र लुम्बिनी सास्कृतिक नगरपालिकमा १ जनामा संक्रमण देखिएको छ ।
यस्तै सियारी, गैडहवा, शुद्धोधन र सम्मरीमाई गाँउपालिकामा १–१ जना पुरुष संक्रमित थपिए पनि अन्य पालिकाहरुमा संक्रमितको संख्या शुन्य छ । यो सँगै रुपन्देहीमा कोरोना संक्रमित हुनेको संख्या २७ हजार ६सय ७ पुगेको छ । जसमध्ये २६ हजार एक सय ५३ जना निको भएका छन ।
हाल जिल्लामा ९ सय ९२ जना कोरोनाका संक्रिय संक्रमितहरु रहेका छन् । जसमध्ये १५२ जनामा लक्षण देखिएकोले विभिन्न अस्पतालमा उपचाररत छन भने ८ सय ४० जना होम आइशोलेशनमा रहेका छन ।
रुपन्देहीका संक्रमित मध्ये ६ जना भेन्टिलेटरमा, २७ जना आइसियुमा र ११२ जना कोभिड अस्पतालमा उपचाररत रहेको रहेको जिल्ला प्रशासन कार्याल रुपन्देहीका प्रशासकिय अधिकृत जनक थापाले जानकारी दिए । उनका अनुसार आज मात्रै आइसियु र अस्पतालमा २–२ जना थपिएका छन भने भेन्टिलेटरमा उपाचाररत एक जना घटेका छन ।
