२०८३, श्रावण १३ गते
.png){kind=small}
लुम्बिनी चिन्तन
भैरहवा । रुपन्देहीमा बिहीबार १९९ जना संक्रमण मुक्त र ५१ जना संक्रमित थपिएका छन । जिल्ला भरीका २४० जनाको आररटीपसिीआरबाट परिक्षण गर्दा २१ दशमलव ३ प्रतिशत अर्थात ५१ जनामा संक्रमण पुष्टि भएको हो ।
छिल्लो २४ घण्टामा जिल्लाका १० वटा पालिकाका २६ महिला र २५ पुरुषमा कोरोना संक्रमण पुष्टि भएको स्वास्थ्य कार्यालय रुपन्देहीले जानकारी दिएको छ ।
स्वास्थ्य कार्यालय रुपन्देहीका भेक्टर कन्ट्रोल निरिक्षक केदारनाथ शाहका अनुसार सबै भन्दा बढि बुटवल उपमहानगरपालिकामा १० महिला र १२ पुरुष गरी २२ जनामा संक्रमण देखिएको छ । त्यसतै तिलोत्तमामा १३ जना, देवदह नगरपालिकामा ५ जना, कंचन र शुद्धोधनमा ३–३ जनामा गैडहवा, मायादेवी, सैनमैना, लुम्बिनी र रोहिणीमा १–१ जना जना नयाँ संक्रमित थपिएका छन् ।
कार्यालयका अनुसार पछिल्लो २४ घण्टामा १ जना संक्रमितको मृत्यु भएको छ, सो मृतकसँगै जिल्लामा कोरोना संक्रमणबाट मृत्यु हुनेको संख्या ४ सय ६९ पुगेको छ । हाल सम्म २७ हजार ७ सय ६१ जना संक्रमित जिल्लाभरि देखिएकोमा २६ हजार ५ सय २१ जना निको भइसकेका छन ।
यस्तै सक्रिय संक्रमित ७ सय ७१ जना मध्ये १२८ जनामा लक्षण देखिएकोले अस्पतालमा उपचाररत छन । बाकी ६ सय ४३ जना होम आइशोलशनमा रहेका छन । समग्रमा संक्रमित मध्ये ९५ प्रतिशत निको भएका, ३ प्रतिशत सक्रिय संक्रमित रहेका छन भने २ प्रतिशत संक्रमितको मृत्यु भएको छ ।
