२०८३, श्रावण १३ गते
.png){kind=small}
लुम्बिनी चिन्तन
भैरहवा पौष २/
श्री जय बागेश्वरी बहुमुखी सहकारी संस्था लि. सिद्धार्थनगर नगरपालिका–३, रुपन्देहीले भीम अस्पतालमा फलफूल वितरण गरेको छ । मंकर संक्रान्तिको अवसरमा मंगलबार भैरहवास्थित भीम अस्पतालमा उपचाररत बिरामीहरुलाई फलफूल वितरण गरिएको सहकारीका अध्यक्ष अशोक कुमार साहले बताए । उनले कार्यक्रम गर्न अवसर प्रदान गरेको भन्दै भीम अस्पताल विकास समिति परिवारलाई धन्यवाद दिए । उनले भने, ‘अब सहकारीले निःशुल्क स्वास्थ्य शिविरको आयोजना गर्नेछ ।’
उनले भने, ‘सहकारीलाई हेर्ने सर्वसाधारणको दृष्टिकोण फरक भइरहेको बेला बागेश्वरी सहकारीले राम्रो काम गरेको छ । यो सहकारीले निरन्तर प्रगति गर्दै जाओस् भन्ने शुभकामना व्यक्त गर्दछु । ’ उनले फलफूल वितरण महत्वपूर्ण कार्यक्रम भएको बताए । अध्यक्ष शर्माले सहकारीलाई स्वास्थ्य शिविर आयोजना गर्न आग्रह गर्दै शिविरमा अस्पतालबाट सहयोग गर्ने बताए ।
त्यस्तै सहकारीका शेयर सदस्य सीताराम भक्तले स्वास्थ्य नै मानिसको धन भएको र सहकारीले गरेको कार्यक्रम सराहनीय रहेको बताए । सहकारीका सल्लाहकार अमरकान्त झाले संस्थाले सानो ठूलो भएर केही नहुने भन्दै संस्थाले गर्ने काम महत्वपूर्ण रहने बताए ।
लेखा समिति संयोजक सियाराम यादवले प्रत्येक वर्ष सहकारीले सामाजिक काम गर्दै आएको र आगामी दिनमा पनि निरन्तरता पाउने बताए ।
अस्पताल विकास समिति कर्मचारी यूनियन भीम अस्पताल इकाई समितिका उपाध्यक्ष शशीकान्त उपाध्यायले प्रत्येक वर्ष फलफूल वितरण कार्यक्रमलाई निरन्तरता दिन आग्रह गरे ।
सहकारीका निवर्तमान अध्यक्ष दशरथ कुमार भक्तले स्थानीयबासीले श्री जय बागेश्वरी बहुमुखी सहकारी संस्था लि.माथि गरेको विश्वास नै संस्थाको उपलब्धी भएको बताए । उनले पछिल्लो समय भीम अस्पतालले गुणस्तरीय उपचार सेवा प्रदान गरेको बताए ।
सहकारीका व्यवस्थापक इन्द्रजित कुमार साहको सञ्चालनमा कार्यक्रम सम्पन्न भएको थियो ।
