२०८३, श्रावण १३ गते
.png){kind=small}
लुम्बिनी चिन्तन
भैरहवा, २७ असार । चालु आर्थिक वर्ष २०८१/०८२ मा ८३ प्रतिशत बजेट खर्च भएको विवरण रुपन्देहीको रोहिणी गाउँपालिकाले सार्वजनिक गरेको छ । गाउँपालिकाले चालु आर्थिक वर्षको लागि विनियोजित बजेटको ८३ प्रतिशत खर्च भएको सार्वजनिक गरेको हो ।
चालुतर्फ ४० करोड २८ लाख २ हजार ७० रुपैयाँ बजेट विनियोजन गरिएकोमा ३३ करोड ३६ लाख ९६ हजार २ सय ६७ रुपैयाँ अर्थात ८२ दशमलव ८४ प्रतिशत खर्च भएको छ ।
त्यस्तै पूँजीगततर्फ १८ करोड ५५ लाख ६७ हजार ९ सय ३० रुपैयाँ बजेट विनियोजन गरिएकोमा १५ करोड ४६ लाख ६३ हजार ४ सय ५ रुपैयाँ अर्थात ८३ दशमलव ३५ प्रतिशत खर्च भएको गाउँपालिकाले सार्वजनिक गरेको वित्तीय प्रगति विवरणमा उल्लेख छ ।
रोहिणी गाउँपालिकाका प्रमुख प्रशासकीय अधिकृत राकेश कुमार चौधरीले चालु र पूँजीगत गरी ८३ प्रतिशत बजेट खर्च भएको जानकारी दिनुभयो ।
कार्यालयबाट आ.व. २०८१/०८२ मा स्वीकृत योजना तथा कार्यक्रमहरुका लागि गरिएका सम्पूर्ण कार्यहरुको निर्धारित समयमा पेश हुन आएका सम्पूर्ण कारोबारहरुको भुक्तानी कार्यसम्पन्न भएको गाउँपालिकाका आर्थिक प्रशासन प्रमुख प्रकाश पछाईले बताउनुभयो ।
