२०८३, श्रावण १३ गते
.png){kind=small}
लुम्बिनी चिन्तन
भैरहवा । सिद्धार्थ उद्योग वाणिज्य संघ रुपन्देहीले विद्युत प्राधिकरण भैरहवा वितरण शाखालाई ज्ञापन पत्र बुझाएको छ ।
लुम्बिनी कोरिडोका उद्योगमा आएको विद्युत सप्लाईमा समस्या भएको भन्दै संघले सामाधानका लागि ज्ञापन पत्र बुझाएको हो ।
सिद्धार्थ उद्योग वाणिज्य संघर रुपन्देहीका अध्यक्ष भिष्म प्रसाद न्यौपानेले करिडोर अन्तर्गत रहेका उद्योगमा न्यू–२ र पूरानो फिडरबाट वितरित विद्युत प्रसारण लाईनमा विगत केही समय देखि नियमित बिद्युत आपूर्ति , आवश्यक भोल्टेज उपलब्धता, बिना सूचना ट्रिप्रिङ , विद्युत आउने–जान समस्याका लगायतका कारणले उद्योग संचालनमा समस्या तथा मेसिनरी उपकरणमा क्षति हुन पुगेको भन्दै विधुतीय समस्या समाधानका लागि संघले सचिवालयमा छलफल गरेको हो ।
संघका अध्यक्ष न्यौपानको अध्यक्षमा भएको उक्त छलफलमा उद्यागीहरुको समस्या तत्काल समाधान गरी निर्वाध रुपमा उद्योग संचालनको वातावरणमा सहयोग पु¥याईदिन अनुरोध गर्दै विद्युत प्राधिकरण भैरहवा वितरण शाखाका प्रमुख जीतेन्द्रकुमार झाज्यूलाई ज्ञापन पत्र बुझाएका थिए । ज्ञापन पत्र बुझदै झाले उद्योगीहरुका समस्याका विषयमा प्राधिकरण गम्भिर भएको र सरोकारवाला निकायसँग समन्वय गरी तत्काल समस्या समाधानमा लाग्ने प्रतिबद्धता जनाए । छलफलमा संघका पदाधिकारीज्यूहरु तथा सम्बन्धीत उद्योगीहरुको उपस्थिति रहेको थियो ।
