२०८३, श्रावण १३ गते
.png){kind=small}
लुम्बिनी चिन्तन
भैरहवा, साउन २२ । गुल्मीको मुसिकोट नगरपालिका– १ बिसौनाका विष्णु विकको घर पहिरोले पुर्दा चारजनाको ज्यान गएको छ। घटनामा दुईजना घाइते भएका प्रहरीले जनाएको छ।
घरमाथिबाट आएको लेदोसहितको पहिरोले घर पुरेपछि ४६ वर्षका गोरे विक, ६७ वर्षका हुकुमबहादुर विक, ६६ वर्षकी मसुरी विक र साढे दुई वर्षकी रियान्सी विकको मृत्यु भएको जिल्ला प्रहरी कार्यालय गुल्मीका प्रहरी निरीक्षक रामकुमार केसीले जानकारी दिए।
त्यस्तै, २३ वर्षीया मुना विक र ३१ वर्षीय विष्णु विक घाइते भएका केसीले बताए। विष्णु विकको घरमा दुई परिवार बस्दै आएका थिए। घाइतेहरूलाई उपचारका लागि अस्पताल पठाउने तयारी भइरहेको छ। स्थानीय र प्रहरीको टोली घटनास्थलमा परिचालन भएका छन्।
