२०८३, श्रावण १३ गते
.png){kind=small}
लुम्बिनी चिन्तन
भैरहवा चैत्र १७,
आईतवार देखी गौतमबुद्ध अन्तराष्ट्र्रिय विमानस्थलमा बिदेशी तिन एयरलाईन्से आप्नौ उडान हटाएका छन् ।
फ्लाई दुबई, थाइ एयर एशिया र कतार एयरवेजले आईतवार देखी उडान रोके लगतै गौतमबुद्ध बिमानस्थलको अन्तर्राष्ट्रिय कक्ष करिव तिन महिनाका लागी खाली हुने भएको छ । नियमित उडानका लागी केही हप्ता अगाडीनै टिकट खुल्ला हुनु पर्नेमा सरकारले पहलनै नगरेको रुपन्देहीका पर्यटन ब्यावसायिहरुको गुनासो छ ।
अन्तर्राष्ट्रिय उडान गरिरहेका जजिरा एयरवेज र फ्लाई दुबईले शनिवार अन्तिम उडान गरेका थिए । अन्तिम उडानमा शनिवार जजिरा एयरवेजले १५६ जना यात्रु लिएर भैरहवा आएको थियो भने १६६ जना भैरहवाबाट कुवेत प्रस्थान गरेका थिए । जजिरा एयरवेजका लागी यात्रुहरुको यो संख्या राम्रो हो ।
फ्लाई दुबईको जहाजबाट आएका ४२ जना भैरहवा झरेका थिए भने ३७ जना भैरहवाबाट दुबई प्रस्थान गरेका थिए । जहाजमा १०७ जना काठमाडौंका यात्रु थिए ।
गत कात्तिकदेखि जजिरा एयरवेजले भैरहवामा पुन नियमित उडान थालेको थियो । फ्लाई दुबई, थाइ एयर एशिया र कतार एयरवेजले पनि गौतम बुद्ध अन्तर्राष्ट्रिय विमानस्थलमा उडान सुरु गरेका थिए । कतारको उडान पुसबाट रोकिएको थियो ।
थाई एयर एशियाले यही चैत्र ११ गते सोमबारसम्म उडान गरेको थियो । सातामा ३ पटक कुबेत भैरहवा कुवेत उडान गर्ने जजिरा र दुबई भैरहवा काठमाडौं दैनिक उडान गरेका फ्लाई दुबईले शनिवार यो विन्टर सिजनकै अन्तिम उडान गरेका थिए ।
अप्रिल देखी अक्टोवर सम्म हुने समर सेड्युलको लागि उनीहरुले नागरिक उड्यन प्राधिकरणसँग अनुमती लिएका थिएन्न् । बिमान कम्पनीहरुले तिन महिनाका लागी पहिलेनै अनुमती लिने गर्दछन् । अप्रिल देखी अक्टोवर सम्म गौतमबुद्ध अन्तराष्ट्र्रिय बिमानस्थल सुनसान हुने निश्चीत भएको छ । यस बिषयमा सरकारले पनि चासो नदेखाएको पर्यटन ब्यवसायिहरुको भनाई छ । अब उडान कहिले हुन्छ भन्ने टुंगो छैन।
